el que s'irais ni guerreia ab amor
ges que savis no fag al mieu semblan
car de gerra ven tart pro e tost dan
e guerra fai mal tornar en peior
en guerra trop er qu'eu non la voltria
viutat de mal et de bon carestia
e fin'amors sitot mi fai langui
a tan de joi que-m pot leu esjauzir

Que-l plazer so plus que l'enoi d'amor
e-l ben que-l mal e-l sojorn que l'afan
e-l gaug que-l dol e-l leu fais que-l [pezan
e-l pro que-l dan son plus e-l ris que-l [plor
non dic aissi del tot que mal no-i sia
e-l mal qu'om n'a val mais que si-n [gueria
car cel qu'ama de cor non vol guerir
del mal d'amor tant es dous per sofrir.

Enquera truep mais de ben en amor
Que-l vil fai pros e-l leial lo truan
e-l fol savie e-l pec conaossedor
e l'orgolhos domesga et umilia
e de dos cors fai un tan gen los lia
per qu'om non deu ad amor contradir
pois tan gen sap comensar e fenir.

S'eu l'ai servit pro n'ai cambi d'amor
Ab que ja plus no-m fassa mais aitan
Qu'en manhts locs m'a fag tan aut e tan gran
Don ja ses leis no pogr' aver onor
E manhtas vetz mi gart de vilania
Que ses amor gardar no m'en sabria
E manhts bos motz mi fai pensar e dir
Que ses amor no-i sabria venir.

Bona domna de vos tenc e d'amor
Sen e saber cors e cor motz e chan
E s'eu res fatz que sia benestan
Devetz n'aver lo grat e la lauzor
Vos e amors que-m datz la maestria
E si ja plus de ben no me-n venia
Pro n'ai cambi segon lo mieu albir
E si plus fos be saubera-l plus grazir

Chansos vai t'en de ma part e d'amor
Al pro al ric al valen al prezan
A cui servon ties et alaman
E sopleio com bon emperador
Sobre-ls maiors a una maioria
Onor e pretz largueza e cortezia
Larcs es de cor s'amar e de servir
Valens de fag per ric pretz conquerir.

Bona domna la genser etz que sia
Vas vos azor e soplei noit e dia
Jamais de vos no me volrai partir
Qu'en tot lo mon non pogra melhs chauzir.