| |
(Comtesa Beatriz de
Día)
 stat ai en greu cossirier
per un cavallier q'ai agut,
e voill sia totz temps saubut
cum eu l'ai amat a sorbrier;
ara vei q'ieu sui trahida
car eu non li donei m'amor,
don ai estat en gran error
en lieig e qand sui vestida.
Ben volria mon cavallier
tener un ser e mos bratz nut,
q'el s'en tengra per erebut
sol q'a lui fezes cosseillier;
car plus m'en sui abellida
no fetz Floris de Blanchaflor:
eu l'autrei mon cor e m'amor,
mon sen, mos huoills e ma vida.
Bels amics, avinens e bos,
cora·us tenrai e mon poder?
e que jagues ab vos un ser
e qe·us des un bais amoros!
Sapchatz, gran talan n'auria
qe·us tengues en luoc del marit,
ab so que m'aguessetz plevit
de far tot so qu'eu volria
-
Canción:
Estat ai en greu cossirier
-
Letra:
Comtesa Beatriz de
dia
-
Música: Raimon de Miraval
-
Formato: wma
-
Interpretado por: Hespèrion XX (director: Jordi Savall)
-
Àlbum: Cansos de Trobairitz (Virgin 1996)
|
|
